ವಿವೇಕಾನಂದ ಸ್ಮೃತಿ ಕಾರ್ಯಕ್ರಮ

ದಿನಾಂಕ 07-09-2013ರಂದು ವಿವೇಕಾನಂದರ ವಿಚಾರ ಹಾಗೂ ಆದರ್ಶಗಳ ಬಗ್ಗೆ ಚಿಂತನ ಮಂಥನ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿತ್ತು.

ಈ ಕಾರ್ಯಕ್ರಮವನ್ನು ಸಂಸ್ಥೆಯ ಪ್ರಾಚಾರ್ಯರಾದ ಶ್ರೀ ಎಂ.ಗೋಪಿನಾಥ ಶೆಟ್ಟಿ ಇವರು ಉದ್ಘಾಟಿಸಿದರು. ಈ ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಆಗಮಿಸಿದ ಸು.ರಾಮಣ್ಣ  ಅವರು ವಿವೇಕಾನಂದರ ಆದರ್ಶ ಹಾಗೂ ವಿಚಾರಗಳನ್ನು ವಿದ್ಯಾರ್ಥಿಗಳಿಗೆ ತಿಳಿಸಿದರು. ಭಾರತವನ್ನು ಬಲಿಷ್ಠರಾಷ್ಟ್ರವನ್ನಾಗಿಸಲು ಯುವ ವೃಂದ ವಿವೇಕಾನಂದರ ಆದರ್ಶಗಳನ್ನು ಮೈಗೂಡಿಸಿಕೊಳ್ಳಬೇಕು ಹಾಗೂ ಭವ್ಯ ಇತಿಹಾಸವುಳ್ಳ ಭಾರತವು ಪ್ರಪಂಚಕ್ಕೆ ದಾರಿದೀಪವಾಗಬೇಕೆಂದು ತಿಳಿಸಿದರು. ಈ ಸಂದರ್ಭದಲ್ಲಿ ಅವರು ಪ್ರತೀಯೊಬ್ಬರ ಜೀವನದಲ್ಲಿಯೂ ತಿರುವು ಇರುತ್ತದೆ,  ಅದನ್ನು ಗಮನಿಸಿ ಎಲ್ಲರೂ ಉತ್ತಮ ಜೀವನವನ್ನು ರೂಪಿಕೊಳ್ಳಬೇಕೆಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ಪಾಲಿಟೆಕ್ನಿಕ್‌ನ ಉಪಪ್ರಚಾರ್ಯರಾದ ಶೀ ಹರೇಕೃಷ್ಣ ಬಿ. ಇವರು ವಂದಿಸಿದರು.